Prashant Tamang

बोस्टनको चिसोमा प्रशान्तले तताए युवा युवती
उत्तम बाबु श्रेष्ठ
बोष्टन, अमेरिका, डिसेम्बर ४
तेश्रो इण्डियन आइडल प्रसान्त तामाङ्गको सांस्कृतिक कार्यक्रमस्थानिय सेन्टजेम्स आर्मेनियन चर्चमा डिसेम्बर २ आइतबार सम्पन्न भएको छ । चिसो हिँउले कठाग्रि्रएको वोष्टनको सो साँझलाई प्रशान्त तामाङ्गको गीतले निकै तताएको थियो । त्यो जोश माथि जोश थप्दै थिए नेपाली पप गायक राजु लामा र वोष्टनका अन्य स्थानिय कलाकारहरु । वेलुकी सात बजे शुरु भएको कार्यक्रम करीब दश बजे समापन भएको थियो । कार्यक्रमको शुरुवात एउटा वलिउड फिल्मी शैलीको नृत्यबाट भएको थियो भने समापन यो मन त मेरो नेपाली हो.... भन्ने गीतबाट । राम्ररी नेपाली वोल्न नसक्ने एक जना विदेशी महिलाले फुलको आँखामा फुलै संसार... भन्ने गीत गाँउदा दर्शकहरु अचम्भित भएका थिए । कार्यक्रममा ग्रेटर वोष्टन नेपाली कम्युनिटीका पूर्व अध्यक्ष विनोद ओली र देवी ओलीले भोजपुरी नृत्य प्रस्तुत गर्नु भएको थियो । कलाकार सुजाता गुरुङले दुइ गीत गाउनु भएको थियो भने स्थानिय नेपाली व्याण्डले दुइ वटा निकै राम्रो अंग्रेजी गीत प्रस्तुत गरेका थिए । हीपहपका पारखीहरुको धोको पुराइदिएका थिए दुइ नेपाली हिपहप गायकहरुले । कार्यक्रमा प्रशान्त तामाङ्गको प्रवेश मध्यान्तर पछि भएको थियो । उनले अड्कि अड्कि विस्तारै लजाउदै वोल्न शुरु गरे सबैलाई धन्यवाद दिए आफुलाई सहयोग गरेकामा । उनले असारे महिनामा..., यो गाँउको ठिटो म..., गोर्खाली गोर्खाली... आदी र केहि हिन्दी गीत प्रस्तुत गरे । प्रसान्त तामाङ्ग र राजुलामाले पालै पालो हाँस्दै हसाउदै सबैलाई नचाए । मन्चमाबाट गाउदै हात दिदै गरेका प्रशान्त तामाङ्ग र राजुलामाको हातलाई छुन युवतीहरुको निकै ठुलो भिड लागेको थियो । कार्यक्रममा ग्रेटर वोष्टन नेपाली कम्युनिटीका अध्यक्ष प्रेम तामाङ्ग, बोष्टन तामाङ्ग सोसाइटिका सचिव विजय तामाङ्ग, विनोद ओली लगायतले प्रशान्त तामाङ्गलाई खादा र नेपाली टोपी ओढाएर सम्मान गरिएको थियो । कार्यक्रममा स्थानिय आयोजक संस्था हिमालय इन्टरप्राइजेजको तर्फाट सुमी खडकाले धन्यवाद ज्ञापन गरेकी थिइन ।कार्यक्रमको शुरुमा फ्यानहरुलाई प्रशान्त तामाङ्गसँग भेट्न प्रतिवन्ध लगाइएता पनि स्थानिय अगुवाहरुको अनुरोधलाई स्वीकार गर्दै अन्त्यमा एक जना फ्यानलाई तीस सेकेण्डको दरले तस्वीर खिच्ने अवसर दिइएको थियो ।